Branch YMA : July ni 26 khan Branch YMA OB leh vengchhung kohhran hrang hrang thalai hruaitu ten Joint meeting an nei. He meeting ah hian September ni 31 a thalaite puala Mizo Nundanmawi inzirtirna hun a hmalak ho dan tur an sawiho. Resource Person atan Pu. Bonny Lalrindika a ni ang a, Programme kimchang hi hun remchangah rawn tarlan a ni ang.
u
Section-I: July ni 30, nimin chhun nileng khan’Section Sports’ an nei a, hlawkthlak an ti hle. Hemi ni hman pui tura an sawm, Branch OB leh Executive member, Sec. II leh III OB te chungah lawmthu an sawi a, an Section buatsaih a nih ang ngeia Section member leh YMA chhangte he ni hmangtute chungah lawmthu an sawi tak zet bawk a ni.
Section-II: July ni 28 zan khan Br. YMA Committee Room-ah meeting an nei a, hetah hian an section huamchhung chu ‘Dry Area’ a nih ngei theih nan tanlak an tum. An Section huamchhunga zu zuar leh standing thin hriate chuan hruaitute hrilh hre thin turin an ngen a ni.
Tin, Sumtuakna turin Film lehlin an tum a, he Film Producer tur Pu PC Lalthanzauva(Zamzo) chungah an lawm hle. Kuminah hian ‘Thalaite Ni’ hman leh ngei an tum a, a tul anga sumtuak chhoh zel an tum. An Section Budget Rs 4,000/- chu Branch ah an chhunglut ve ta bawk.
Section-III : Thla a lo thar leh dawn ta a, bill khawntu zawng zawngte’n mahni bial theuhah tlawmngaitakin mahni chanvo theuhte hlenchhuak leh theuh turin an in ngen.
Tin, an Section Committee member, Rebecca VL. Remruati chuan July ni 29, zirtawpni dar 2 khan Bawngkawn Chhimvengah pasal tha tak a nei a, an lawmpui rualin an ui tak zet a ni. Nupa kawpchawi rem tak ni turin duhsakna an hlan bawk.
Thangkhawk
+ Hlimi kha kan lawmpui lutuk che. Fair-lo tak a thil tih a awm kha kan lo hre ve a, Pathian ringtute tan chuan a a mawilo khawp mai. Kan lawmpui lutuk che. # sms
+ Library building sakna tur MP fund (verbal) kan YMA hruaituten hun leh tha seng a vawi tam an bawhzui hnua a tak ram thlenpui tur awm leh si lo ang hi kan Politician te hian min tiam tawh lo se, kan veng min hmuhsitna ah ka ngai tlat. Thutiam hlen lo mi hi ka ngaisang lo ve. YMA member-te eng nge in ngaih ve dan le? # sms
+ Kimkimi pa leh C Lalchunglura te kan veng hall chungchanga rawtna in neihte full support ka pe e. Organising Committee-te khan tan la sauh sauh teh u. Kan veng rohlu tur a ni si a. # Peki
+ Muma School chhak a street light hi min han siamthat sak teh u, zana leng haw tan a thim thei em mai. Ruihtheih thil ti leh pawisak nei lo kan tam tawh hi. # Thimhlaua
+ Kan ranvulh te hi enkawl uluk leh zual teh ang u. Abik in Ui hi, mi a seh palh a hlauhawm bakah kalkawng/kawngpui ah an e a, a tenawm thei em mai. Ranvulh khuahkhirh hi changkanna leh hmasawnna chikhat a ni. # Angua nu
+ Suakchhunga gas card H Vanlalvuana tih hming inziak kan tibo hlauh maia, alo hmu chuan khawngaih takin 8014674030 ah min hriattir thei ula ka lawm hle ang. # Muanpuia Sec-I
+ Tun hma lamah kha chuan veng mawng lamah inthlahrung takin zu zuar te kha an khawsa ve thin a ni ngai a. Tun dinhmunah erawh chuan veng lu lamah zu zuar kan pung ta tlat hi thil mak tak a ni. Chutih rualin veng mawng lamah pawh a rem ta diak chu a ni si lo. Veng mipuite kan tanrual a ngai ta hle mai, veng chhung thianghlimna tur anih phawt chuan rum zawka kan chet chhuah ve ngam pawh a hun ta. Veng mualphona tur pawh pawisa miah lo te lakah hian zahngaihna leh khawngaihna lantir reng hi eng nge a sawtna awm? A tul a nih phawt chuan thuneitute hnenah hek hmiah hmiah mai ila, tunlai hunah chuan chutiang tih nachang hria chu pasaltha kan ni mai. # LDVT Sec-I
+ An ti : Sport ngaisang vak lo leh a hlutna hre vak lo hian Indoor stadium/ Community hall neih kher a ngailo an ti! # sms
+ Mi te thatna lai hmu thei miah lo te hi mi rilru te an ti tawh ngailo, misual kawrvar ha an ti tawh zawk an ti a, itsikna a khat tlat Thimlal Tirhkoh ti in an ko tawh zawk. # C-19
+ Tun tum EPL Season zet chu Liverpool FC tan Champion loh ngaihna a awm lo. Drogba leh Torrres tih vel ai chuan Suarez-a Skill hi a sangin, team work a tha bawk si a. C’mon Liverpool.....# Kop
+ Hmangaihna hi chu aw... Ngaihzawngte bula vawih leh Pastor bula zu nam huam inhmeh loh tlukin Chhass nei chunga thawhchhuah neih loh hi a in hmeh lo. # Lalsezte-i
No comments:
Post a Comment